Kinumpirma ng Intellectual Property of the Philippines (IPOPHIL) na record-breaking ang 2023 para sa ahensya pagdating sa mga nag-file ng mga Intellectual Property (IP).
Ayon kay IPOPHIL Director General Rowel Barba, nalagpasan daw ng ahensya ang 2022 record nila at tumaas ng 1.9% ang IP filings.
“Based on historical figures, we have been increasing by 5 to 10 percent except during the pandemic noong 2020. But ngayon naka-recover tayo and we are still optimistic that we will be able to increase by 5 to 10 percent filings,” ayon kay Barba.
Dagdag ni Barba, mas palalakasin daw ng IPOPHIL ang awareness ng mga Pilipino ngayong 2024 pagdating sa paghahain ng Intellectual Property (IP) pati na rin ang pagpapalakas ng enforcement system ng bansa pagdating sa Intellectual Property upang mas ma-protektahan pa ang mga Filipino creators and inventors.
Matatandaang mas umingay ang IPOPHIL noong 2023 matapos ang sigalot sa pagitan ng Television and Production Exponents Inc. (TAPE Inc.) at TVJ Productions para sa pangalang "Eat... Bulaga!" at "EB" na kalaunan ay napanalunan ng TVJ.