Para kay Globe Telecom President and CEO Ernest Cu, hindi lang dapat internet speed ang basehan sa customer experience.
Ito kanyang sagot matapos magkomento si Presidente ng karibal nitong PLDT, Inc. na si Manny V. Pangilinan.
Para kasi kay Pangilinan, mas mabilis sana ang internet sa Pilipinas kung walang kalaban ang PLDT at Smart.
"In terms of speed, coverage, video experience, customer experience, in general, we dominate that space. Kaya if PLDT were the sole telco and Smart were the sole telco in the country today, our rankings would be 15 places higher, would be much better," komento ni Pangilinan.
Sagot naman ni Cu, "I would be very careful about making statements like that given that we're in a similar position as a legacy telco."
Dagdag pa nya, "I would like to dissuade the press and the public with their fixation on speed. Speed is not only the determinant of customer experience. After a certain speed, just like the top speed in cars, it becomes irrelevant,".
Sa kasalukuyan, nasa #86 ang Pilipinas sa may pinakamabilis na internet sa buong mundo, kung saan bumaba ito ng 3 pwesto. Nasa 25.43 Mbps ang average download speed ng bansa.
Kung fixed broadband category naman ang pag-uusapan, nasa #81 ang Pilipinas na may average download speed na 46.25 Mbps, ito ay ayon sa Speedtest Global Index ng Ookla nitong March 2021.
Matatandaang hinimok ni Pangulong Rodrigo Duterte ang mga telcos na pagandahin pa ang mga serbisyo nito, lalo ngayong humaharap ang bansa sa isang pandemya.
— Ulat ni R. Caluag, Kapatid Insider
Tags
Business