Nagbanta si Philippine Basketball Association (PBA) Commissioner Willie Marcial na pagmumultahin ng aabot sa P100,000 at 10 araw na suspesyon sa mga lalabag na mga ipapatupad nilang safety and health protocols sa mga scrimmages at practice game ng bawat team.
Ayon kay Marcial, nais nila ang mas istriktong protocol para sa lahat ng manlalaro at coaching staff sa oras na bumalik na ang pag-eensayo ng mga koponan.
Aniya, nais din niya maging successful ang practice ng bawat team.
Diin pa ni Marcial, sana maintindihan ng bawat koponan ang gagawin nilang mga hakbang kontra sa nakakahawang sakit na COVID-19.
Matatadaan, inaprubahan ng Inter-Agency Task Force (IATF) ang hiling ng PBA na magsagawa ng mga scrimmages at practices sa mga lugar ng nasa General Community Quarantine (GCQ) at Modified General Community Quarantine (MGCQ).
— 𝖴𝗅𝖺𝗍 𝗇𝗂 𝖩𝖾𝗋𝗐𝗂𝗇 𝖨𝖽𝗈𝗅, 𝖪𝖺𝗉𝖺𝗍𝗂𝖽 𝖨𝗇𝗌𝗂𝖽𝖾𝗋 (𝖵𝗂𝖺 𝖱𝖬𝖭 𝖭𝖾𝗐𝗌)
Tags
Sports