Kauna-unahang taping day at location araw ng Lunes, Mayo 7 ni Maine Mendoza para sa kaniyang bagong show sa Cignal TV Buko Channel na Maine Goals kung saan itatampok nila ang Sining ng Angono. Unang ganap ay ang eksena kasama ang Angono Municipal Band at mga Higantes.
Sumalang si Maine sa paggawa ng giant paper maché at sinubukan din ang mga pagkain sa Balaw Balaw. Dumaan ang bawat staff at mga participating local talents and crew sa swab testing at mahigpit na health protocols.
Ang shooting ay sa pakikipag-ugnayan sa lokal na pamahalaan sa pangunguna ni Mayor Jeri Mae Calderon.
Bukod sa Angono, marami-rami na ding lugar ang kanilang pinagdausan ng shooting para sa nasabing show.
Ang BuKo Channel na dapat noong nakaraang taon pa ang launching ngunit naudlot ito dahil nga sa perwisyong pandemya ng COVID-19.
Inaasahan naman na ngayong taon na ito i-launch sa Cignal at maari din itong maging isang dagdag sa Digital Channel ng TV5.
Ang kauna-unahang local comedy channel sa Pilipinas na makikilala bilang BuKo (Buhay Komedya) Channel ay ilulunsad ng Cignal TV at TV5, na nagtatampok ng ilang mga palabas tulad ng Iskul Bukol, Wow Mali, LokoMokoU and Eat Bulaga’s popular segments like Little Miss Philippines at Pinoy Henyo.
Pinangunahan ng dating pangulo ng Cignal TV at TV5 na si Jane J. Basas at ang pangulo at CEO ng APT Entertainment na si Michael Tuviera ang pormal na anunsyo sa pamamahayag at paglagda noong nakaraang taon ng isang limang taong engrandeng pakikipagsosyo sa pagitan ng dalawang samahan upang likhain ang BuKo Channel.
Sa ilalim ng kasunduan, ang Cignal TV ay magbibigay ng isang platform na eksklusibong ipapalabas sa lahat ng oras ang mga paboritong programa ng komedya mula sa mga archive ng APT at TV5. Ang pangunahing layunin ay "muling ipakilala at i-rewind" ang genre ng komedya sa TV sa pamamagitan ng muling pagpapatakbo ng pinaka-klasiko at minamahal na mga lokal na koleksyon ng komedya sa mga nakaraang taon.
Kabilang sa mga bagong palabas na isinasaalang-alang para sa BuKo Channel ay kinabibilangan nina Jose Manalo at Wally Bayola, at Maine Mendoza. (ulat ni Jerwin Idol, Kapatid Insider)
Tags
Celebrity